എപ്‌സ്റ്റെയ്‌നുമായുണ്ടായിരുന്ന ദീർഘകാലബന്ധത്തെച്ചൊല്ലി വിവാദങ്ങളുയർന്ന സാഹചര്യത്തിൽ ഇന്ത്യൻ AI ഉച്ചകോടിയിൽനിന്നും അവസാന നിമിഷം ബിൽ ഗേറ്റ്സിന്റെ പിന്മാറ്റം.

വിവാദനായകൻ ജെഫ്രി എപ്സ്റ്റീനുമായുള്ള പുതിയ വെളിപ്പെടുത്തലുകൾ ചർച്ചയായതിനെത്തുടർന്നു , ന്യൂഡൽഹിയിൽ വച്ചു നടക്കുന്ന ആർട്ടിഫിഷ്യൽ ഇൻ്റലിജൻസ് (എഐ) ഇംപാക്ട് ഉച്ചകോടിയിലെ മുഖ്യപ്രഭാഷണത്തിൽനിന്നു ബിൽ ഗേറ്റ്സ് പിന്മാറി.

ഫെബ്രുവരി 19-ന് വ്യാഴാഴ്ച ഉച്ചകോടിയെ അഭിസംബോധന ചെയ്യേണ്ടിയിരുന്ന അദ്ദേഹം അവസാന നിമിഷമാണ് പിന്മാറിയത്. വളരെ ആലോചിച്ചെടുത്ത തീരുമാനമാണിതെന്നും AI ഉച്ചകോടിയുടെ പ്രധാന ലക്ഷ്യങ്ങളിലേക്കു ശ്രദ്ധിക്കുന്നതിനായാണ് ഈ തീരുമാനം കൈക്കൊണ്ടതെന്നും ബിൽ ഗേറ്റ്സ്നു പകരം ഗേറ്റ്സ് ഫൌണ്ടേഷൻ ഇന്ത്യ-ആഫ്രിക്കൻ മേധാവി അങ്കുർ വോറ ഉച്ചകോടിയിൽ പങ്കെടുത്തുകൊണ്ട് സംസാരിക്കുമെന്നും ജീവകാരുണ്യ സംഘടനയായ ഗേറ്റ്സ് ഫൌണ്ടേഷൻ അറിയിച്ചിട്ടുണ്ട്