ഓപ്പൺ മാഗസിൻ മാനേജിങ് എഡിറ്ററായ പി ആർ രമേശ് സെൻട്രൽ ഇൻഫർമേഷൻ കമ്മീഷണറായി നിയമിതനായി.
ഈ പദവിയിലെത്തുന്ന ആദ്യ മലയാളി കൂടിയാണ് ഇദ്ദേഹം.
തിരുവല്ല മണ്ണൻകരച്ചിറയിൽ പുത്തൂർ കുടുംബാംഗമാണ്. അച്ഛൻ പരേതനായ പ്രൊഫ പി രാമദാസ് ( എൻ എസ് എസ് കോളേജ് ), അമ്മ പരേതയായ അമ്മുണ്ണികുട്ടി അമ്മ (എൻ എസ് എസ് ട്രെയിനിങ് സ്കൂൾ ഹെഡ്മിസ്ട്രസ്).
ഇക്കണോമിക് ടൈംസ് നാഷണൽ പൊളിറ്റിക്കൽ എഡിറ്റർ ആയിരുന്ന അദ്ദേഹത്തിന് പ്രേം ഭാട്ടിയ, റെഡ് ഇങ്ക് അവാർഡുകളും ലഭിച്ചിട്ടുണ്ട് .
ഭാര്യ ഭാര്തി ജെയ്ൻ ടൈംസ് ഓഫ് ഇന്ത്യയിൽ സീനിയർ എഡിറ്റർ ആണ്.
പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത്ഷാ, ലോക്സഭ പ്രതിപക്ഷ നേതാവ് രാഹുൽ ഗാന്ധി എന്നിവർ അടങ്ങിയ സമിതിയാണ് കേന്ദ്ര വിവരാവകാശ കമ്മീഷണർ (സി.ഐ.സി) സ്ഥാനത്തേക്കുള്ള തെരെഞ്ഞടുപ്പു നടത്തുന്നത്.
